Islama Abdullayeva • Neyləyim?

Ala gözlüm, səndən ayrı gecələr
Bir il kimi uzun olur, neyləyim?
Bağçamızda qızıl güllər hər səhər
Tezdən açır, vaxtsız solur, neyləyim?
Bağçamızda qızıl güllər hər səhər
Tezdən açır, vaxtsız solur, neyləyim?
Çiçəklərin çəkir gözü intizar
Ayrılıqdan betər dünyada nə var?
Yaz axşamı səni bil ki, bu nigar
Həzin-həzin yada salır, neyləyim?
Yaz axşamı səni bil ki, bu nigar
Həzin-həzin yada salır, neyləyim?
Neyləyim?

Tez gələsən, bəlkə əlac verəsən?
Sünbüllərin saçın yığıb, hörəsən?
Çiçəkləri gəlib özün dərəsən?
Yolda qalır, baxışları, neyləyim?
Çiçəkləri gəlib özün dərəsən?
Yolda qalır, baxışları, neyləyim?
Çiçəklərin çəkir gözü intizar
Ayrılıqdan betər dünyada nə var?
Yaz axşamı səni bil ki, bu nigar
Həzin-həzin yada salır, neyləyim?
Yaz axşamı səni bil ki, bu nigar
Həzin-həzin yada salır, neyləyim?
Neyləyim?

Neyləyim?