Mənə Güvən

Sənə olan hisslərimi necə deyim,
Anlayasan mənim üçün dəyərini.
Nə bu eşqi təsəvvür eləmək olmur,
Nə də onun demək olur qədərini.

Sənsən mənim gülüşümə səbəb olan,
Sənsən mənim ürəyimə hakim olan.
Mənəm sənə acıqlana bilməyən heç,
Mənəm sənin cazibənə təslim olan.

Sənə olan hisslərimdir, eşit qəlbimin səsini,
Sən ömrümə gələr gəlməz, kədər getdi, sevinc gəldi .
Birini sən tut, birini mən , çəkək həsrət pərdəsini,
Sevgimizin qədrini bilək, həyat sevərkən gözəldir.

Gəl bölüşək qarşılıqlı, ömrümüzü,
Neyləyirəm özgəni, sən ola - ola.
Sənə ancaq gözəl anlar vəd edirəm,
Mənə güvən, tut əlimdən çıxaq yola.

Öz canımdan üstündür bu sevgi mənə,
Çıxar canım, sevgimizə qıymaram mən.
Mən bilirəm, tənha olan necə olur,
Söz verirəm, səni tənha qoymaram mən.