Ədalət Şükürov • Dedin Apar

Dedin: 'Apar lap uzaqlara
Qoyma sənsiz saralım, solum
Varsa orada ömür yoldaşın
Mən də sənin sevgilin olum"
Dedin: "Apar çox uzaqlara
Apar məni, sən ol bir də mən
Ömür boyu bir yerdə olaq
Bulaq səsi, bir də göy çəmən"
Axı səni aparım hara?
Arzularım gözümdə qalar
Orada mənim çox istədiyim
Çox sevdiyim bir sevgilim var
Orada mənim çox istədiyim
Çox sevdiyim bir sevgilim var
Dedin: "Gedək, apar sən məni"
Ölənəcən səninlə varam
Varsa əgər ömür yoldaşın
Mən də sənin dostun olaram"
Dedin: "Göydən durna tut gətir"
Vallah, tutum gətirim sənə
Necə sevim səni, gözəlim?
Ürəyimdə bir başqası var
Denən, necə aparım səni?
Arzularım gözümdə qalar
Orada qəlbimə hakim olan
Sədaqətli bir dostum da var
Orada qəlbimə hakim olan
Sədaqətli bir dostum da var

Ay bu ayrılıq ölümdən betər!
Məni belə sevən olmayıb
Neyləyim ki, çox gecikmisən?
Sənə ürəkdə yer qalmayıb
Neyləyim ki, çox gecikmisən?
Sənə ürəkdə yer qalmayıb