Seyyid Taleh - Gəl Ələmdarım Ölüb

Gəl belim sındı bacı, ağla ələmdarım ölüb
Dur ayağa, ciyərim yandı, sipəhdarım ölüb

Ağla sərdarım ölüb
Gəl ələmdarım ölüb

Bacı gəl rövnəqi pərgarı cəlalım dağılıb
Gülşəni ali Əli zülmü sitəmlə dağılıb
Qəddi şəmşad ələmdar, ələm tək yıxılıb
Ağla bacı, necə gör qafilə salarım ölüb

Saldı atdan üzü üstə ədu meydana bacı
Qolların bir tərəfə, cismini bir yana bacı
Lalə tək başdan ayağa boyanıb qana bacı
Oldu bağrım daxi qan, nasiri qəmxarım ölüb

Gəlməyi olmadı mümkün bacı, yandırdı məni
O qədər yara vurublar dağılıb gül bədəni
Parə-parə quru yer üstə qalıb, yox kəfəni
Parələndi ciyərim yarı vəfadarım ölüb

Dur belin bağla, əsir olmağa dilyarə bacı
İzzətin getdi daha, sal başına qarə bacı
Səni həsrət elədi düşmən ələmdarə bacı
Bircə qaldım bacı mən, cümlə həvadarım ölüb

Ağlamaqdan tutulub gəlməyir ey bacı səsim
Kəsrəti dərdi dilimdən kəsilibdir nəfəsim
Qalmadı ah mənim bircə nəfər dad rəsim
Varisi mənqəbəti Heydəri Kərrarım ölüb