Namiq Qaraçuxurlu - Bilməcə

Göz yuman kimi ağlıma,
Hər gecə biri var gəlir,
Getmisən ama burdasan,
Mən hara baxsam ordasan,
Yer denən gəlim, hardasan,
Kainat mənə dar gəlir...

Gün çıxıb ama ey pəri
Hər tərəf yenə qap qara...
Bilmirəm dözüm, əl üzüm...
Dərd verən verər tab dözüm...
Möhkəm ol dayan ey gözüm.
Ağlamağ hara mən hara...

Sənləyəm ama sənsizəm,
Gözlərim yenə də yol çəkir,
Sormadan halımı sormadan,
Qismətim sənə də qol çəkir...

Kimsəyə sənə baxdığım,
Güldüyüm kimi gülmədim,
Gözlədim belə sadəcə
Hər günüm sual, bilməcə
Sən mənimlə bir məxrəcə
Gəlmədin deyə gəlmədim...

Az qalıb çata son nəfəs...
Bir ümid belə yoxdu yar.
Sönmüşəm təmiz itmişəm.
Günbəgün geri getmişəm...
Bitmişəm daha bitmişəm.
Arzular edib intihar...

Fikrimi, sözümü sormadan,
Qismətim sənədə qol çəkir...