Elnarə Xəlilova – Səndən Sonra

Bu ayrılıq qoymadı ki, üz gülə
Qara saçlar yerin verdi ağ telə
Xatirələr qəlbi sızladır hələ
Səndən sonra sevə bilmir bu ürək
Gözləməkdən saralıb gözlərim
Qaldı sənə deyiləsi sözlərim
Taleyimə həkk olunub izlərin
Səndən sonra sevə bilmir bu ürək
Dincliyini sən ki mənlə tapardın
Nəyim vardı, sən özünlə apardın
Ürəyimin tellərini qopardın
Səndən sonra sevə bilmir bu ürək
Sən ki yoxsan, həyat zülmət görünür
Yer də, göy də bu zülmətə bürünür
Nə olsun ki, dayanmayıb, döyünür
Səndən sonra sevə bilmir bu ürək

Sənsizlikdə danışmıram, gülmürəm
Kədərimi bir kimsə ilə bölmürəm
Bu nə sirdir, heç özüm də bilmirəm
Səndən sonra sevə bilmir bu ürək
Kirpiklərim gecə gündüz yaş olur
Bahar çağım payız olur, qış olur
Sənsizliyim ürəyimə daş olur
Səndən sonra sevə bilmir bu ürək
Dincliyini sən ki mənlə tapardın
Nəyim vardı, sən özünlə apardın
Ürəyimin tellərini qopardın
Səndən sonra sevə bilmir bu ürək
Sən ki yoxsan, həyat zülmət görünür
Yer də, göy də bu zülmətə bürünür
Nə olsun ki, dayanmayıb, döyünür
Səndən sonra sevə bilmir bu ürək