"Yar Başına Dönüm Sənin" - Sözləri (Lyric)
Süzülübdür gözün-qaşın,
Dərdin olsun dağın-daşın.
Gəl, qurudum gözün yaşın,
Gəl, başına dönüm sənin,
Yar, başına dönüm sənin.
Sən canımdan ayrı cansan,
Şirin arzum, muradımsan.
Gözləyirəm, harda olsan,
Gəl, başına dönüm sənin.
Nə dedim ki, doldu gözün,
Al lalədir sanki üzün.
Nədir, mənə söylə sözün,
Gəl, başına dönüm sənin,
Mən başına dönüm sənin.
Gəl barışaq, gülək yenə,
Ömür cala sən ömrümə.
Təsəllisən bu könlümə,
Gəl, başına dönüm sənin,
Yar, başına dönüm sənin.
Mən başına dönüm sənin
