Alagözlüm · Zamiq Hüseynov · Emin Sabitoğlu · Nigar Rəfibəyli · Zamiq Hüseynov · Samir Şirinov

Ala gözlüm, səndən ayrı gecələr
Bir il kimi uzun olur, neyləyim?
Bağçamızda qızıl güllər hər səhər
Tezdən açır, vaxtsız solur, neyləyim?
Bağçamızda qızıl güllər hər səhər
Tezdən açır, vaxtsız solur, neyləyim?
Çiçəklərin çəkir gözü intizar
Ayrılıqdan betər dünyada nə var?
Çiçəklərin çəkir gözü intizar
Ayrılıqdan betər dünyada nə var?
Yaz axşamı səni bil ki, bu nigar
Həzin-həzin yada salır, neyləyim?
Yaz axşamı səni bil ki, bu nigar
Həzin-həzin yada salır, neyləyim?

Nərgizlərin gözü yolda qalanda
Bənövşələr baxıb qəmgin olanda
Qərənfilin gözü yaşla dolanda
Yasəmənlər saçın yolur, neyləyim?
Qərənfilin gözü yaşla dolanda
Yasəmənlər saçın yolur, neyləyim?
Çiçəklərin çəkir gözü intizar
Ayrılıqdan betər dünyada nə var?
Çiçəklərin çəkir gözü intizar
Ayrılıqdan betər dünyada nə var?
Yaz axşamı səni bil ki, bu nigar
Həzin-həzin yada salır, neyləyim?
Yaz axşamı səni bil ki, bu nigar
Həzin-həzin yada salır, neyləyim?
Həzin-həzin yada salır, neyləyim?